ippol enthu sukham !

എന്തുകിട്ടിയാലും പോര. തൃപ്തിയില്ല. കുറച്ചുകൂടി മെച്ചപ്പെടുത്തിയാൽ നന്നായിരുന്നു. കുറച്ചുകൂടി... കുറച്ചുകൂടി.
സുഖസൌകര്യങ്ങൾ വർദ്ധിപ്പിക്കുവാൻ ജീവിതത്തിൽ നെട്ടോട്ടമോടുന്ന മനുഷ്യൻ. ഓട്ടത്തിനിടയിൽ തളർന്നുവീഴുന്ന മനുഷ്യൻ . ആ മനുഷ്യന് സമര്പ്പണം.

നസ്രുദ്ദീൻ മുല്ലയുടെ ഒരു കഥ വായിച്ചതോര്ക്കുന്നു . ജ്ഞാനിയായ മുല്ലയുടെ അടുക്കൽ അയൽക്കാരൻ തന്റെ പ്രശ്നത്തിനു ഒരു പരിഹാരം തേടിവന്നു.
"മുല്ലാ, എന്റെ വീട് എത്ര ചെ...റുതാണ്. തിങ്ങിഞെരുങ്ങിയാണ് ഞങ്ങളതിൽ പാര്ക്കുന്നത്. ഭാര്യ, മക്കൾ അമ്മ, അച്ഛൻ, പോരാത്തതിന് അമ്മായിയമ്മയും. അങ്ങ് ജ്ഞാനിയല്ലേ, ഒരു പരിഹാരം പറഞ്ഞു തരണം. അങ്ങെന്തു പറഞ്ഞാലും അനുസരിക്കുന്നവനാണല്ലോ ഞങ്ങൾ."
"നീ കോഴിയെ വളർത്തുന്നുണ്ടെന്നെനിക്കറിയാം, എത്ര കോഴിയുണ്ട്?" മുല്ല ചോദിച്ചു.
"അഞ്ചു കോഴിയും ഒരു പൂവനും," അയാള് പറഞ്ഞു.
"ആ കോഴിയെ എല്ലാത്തിനെയും ആ പുരയിലേക്കാക്കുക."
"എന്ത്?" എന്റെ പുര ആകപ്പാടെ ചെറുതാണ്, ഇനി കോഴിയെയും കൂടികയറ്റിയാൽ?"
"നീ ചെയ്യൂ അങ്ങിനെ," മുല്ല പറഞ്ഞു.
പുലർച്ചെ അയൽക്കാരനോടിവന്നു." മുല്ല അങ്ങ് എന്റെ ദുരിതം ഇരട്ടിപ്പിച്ചു. ആകെ പ്രശ്നം."
മുല്ല കേട്ടഭാവം വച്ചില്ല. " നിനക്ക് ഒരു കഴുതയില്ലേ."
"ഉവ്വ്," അയാള് പറഞ്ഞു." അതിനെയും കൂടി പുരയിലാക്കുക."
ജ്ഞാനിയാണു, അനുസരിക്കാതിരിക്കുവാൻ വയ്യ. അപ്രകാരം കഴുതകളേയും പിന്നീടു ആടുകളേയും
അയാള് ആ മുറിയിലാക്കി.
നിരാശ ബാധിച്ച് ഒരിടത്തിരിക്കുന്ന അയല്ക്കാരനെ മുല്ല കണ്ടു. "ഇത്രയും നാൾ അതിൽ കിടക്കാമായിരുന്നു. ഇപ്പോൾ നാറിയിട്ടു ആ ഭാഗത്തേക്കു അടുക്കുവാൻ നിവൃത്തിയില്ല. എനിക്ക് ഭ്രാന്താണെന്നുപരഞ്ഞു ഭാര്യയും അമ്മായിയമ്മയും എന്നെ ഉപേക്ഷിച്ചുപോയി."

ശരി, മുല്ല സമാധാനിപ്പിച്ചു.
ഇനി നീ ആ മൃഗങ്ങളെ മുറിയിൽ നിന്ന് പുറത്തേക്കാക്കുക. അപ്രകാരം ചെയ്ത അയാള് അത്യധികം സന്തോഷത്തോടെ മുല്ലയെ കാണുവാൻ വന്നു.
ഇപ്പോൾ എന്ത് സുഖം! പരമാനന്ദം! അയാള് മുല്ലയോട് നന്ദി പറഞ്ഞു.

-azeez ks

ദയാവധം

 രക്ഷയില്ലെന്ന് ഡോക്റ്റര്മാര്‍ വിധിയെഴുതുന്നവരെ നാം കൊന്നു തുടങ്ങിയാല്?ആളുമര്‍ത്ഥവുമുള്ളവര്‍ മാത്രം ജീവിച്ചാല്‍ മതിയെന്നായാല്?ക്യുബെക് പാസ്സാക്കിയ ദയാവധം നടപ്പിലായാല്‍ അത് ക്രൂരമായി ചൂഷണംചെയ്യപ്പെടില്ലേ?

ജീവിക്കുവാന്‍ അര്ഹതയില്ലാത്ത ജീവനെന്ന് ഒരു ഡോക്റ്റര്‍ക്ക് വിധിയെഴുതുവാന്‍ അധികാരമുണ്ടോ? ഒരു ജിവന്റെ കര്മ്മങ്ങൾ എന്തൊക്കെയാണെന്ന് നമുക്കറിയുവാൻ കഴിയുമോ? ഗുണകരമായ ജീവിതത്തിന്റെ സൂചിക എന്താണ്?...

അത് ആരു നിശ്ചയിക്കുന്നു? ഒരു രോഗി മരിക്കുന്നതാണ് അയാള്ക്ക് നല്ലത് എന്ന് നാം നിശ്ചയിക്കുന്നതെങ്ങിനെ? നമുക്ക് സമയമില്ലെങ്കിൽ പൈസ മുടക്കുന്നതിൽ അർത്ഥമില്ലെന്നു തോന്നുന്നുവെങ്കിൽ ഒരാളെ കൊല്ലാമോ?

ജീവിച്ചിട്ടു കാര്യമില്ലാത്ത ജീവിതങ്ങൾ എന്ന് നിശ്ചയിച്ചു തുടങ്ങിയാൽ ആരെയൊക്കെ കൊല്ലേണ്ടി വരും. എല്ലാം കര്മ്മ ഫലമാണെങ്കിൽ രോഗവും അങ്ങിനെ തന്നെ. ഒരാളുടെ കര്മ്മ ഫലം ഒരാൾ അനുഭവിച്ചല്ലേ പറ്റു. വലിയ ശിക്ഷയിൽ നിന്നുള്ള രക്ഷയാകാം അയാളുടെ ഈ രോഗം.

മെഡിക്കൽ ഇൻഷുറൻസ് ഇല്ലാത്തവര്ക്കും ജീവിക്കുവാൻ കൊതിയുണ്ടാകില്ലേ?

ഹോളണ്ടിന്റെയും ബെൽജിയത്തിന്റെയും പിറകെ ക്യുബക് കാനഡയും.

-azeez ks

ഞാന്‍ ഒരു ട്രെയിന്‍ സ്റ്റേഷനില്‍ ഇരിക്കുകയായിരുന്നു ഇന്നലെ.ഒരു വെള്ളക്കാരന്‍ ഗാ൪ബേജ് ബിന്‍ എന്ന കുപ്പയില്‍ തപ്പുന്നു. ആരോ കുടിച്ചുബാക്കിയാക്കി കളഞ്ഞ ഒരു ജ്യൂസിന്‍റെ കുപ്പി അയാള്‍ വായിലേക്കടുപ്പിക്കുന്നു.എന്‍റെ ചങ്ക് പൊട്ടിപ്പോയി.അയാളുടെ അടുക്കലേക്ക് ചെന്ന് അഞ്ചുഡോള൪ കൊടുക്കണമെന്നെനിക്കുണ്ടായിരുന്നു. പക്ഷേ അയാള്‍ തെണ്ടിയല്ല. വളരെ മാന്യനാണയാള്‍.അയാള്‍ അന്തസ്സുള്ളവന്‍ തന്നെയാണ്.വളരെ മാന്യമായ പെരുമാറ്...റമുള്ള ഒരാളാണ്. എത്രയോ ദാരിദ്ര്യം അയാള്‍ അനുഭവിക്കുന്നു.അയാള്‍ പുറത്തതറിയിക്കാറില്ല.നമ്മള്‍ അയാളോടൊന്നു സംസാരിച്ചാല്‍ ഒരിക്കലും അയാള്‍ അവശത പറയില്ല.അവശത നടിക്കില്ല. നല്ല ജോക്ക് പോലും പറഞ്ഞെന്നിരിക്കും.ന൪മ്മം പറയുക ഇവരുടെ ഒരു രീതിയാണ്. ഒരിക്കള്‍ ഒരു സ്ഥലത്തിരുന്ന് ഞാന്‍ വായിച്ചുകൊണ്ടിരിക്കുകയായിരുന്നു. ഒരു പരിചയവുമില്ലാത്ത ഒരാള്‍ എന്നെ വിഷ് ചെയ്തു.നാട്ടില്‍ സഹായത്തിനുവേണ്ടി അസ്സലാമുഅലൈയ്ക്കും പറയുന്നവരെപ്പോലെയല്ല ഇയാള്‍. എന്‍റെ അടുത്ത് നിന്ന് ഒരു പരിചയവുമില്ലാത്ത എന്നോട് ഒരു ജോക്ക് പറയുന്നു:" ഒരു ഡെന്‍റിസ്റ്റിന്‍റെ അടുക്കല്‍ ഒരാള്‍ ചെന്നു.പെട്ടെന്ന് പല്ലുപറിച്ചെടുത്ത ഡെന്‍റിസ്റ്റിനോട് പല്ലു പറിക്കുവാന്‍ ചെന്നവന്‍ പറഞ്ഞു.കുറച്ചു മെല്ലെ, സമയമെടുത്ത്, വേദനിപ്പിക്കാതെ താങ്കള്‍ക്ക് പല്ലുപറിച്ചുകൂടെ? ഡെന്‍റിസ്റ്റ് പറഞ്ഞു: ഈ പണി ഇതിലും മെല്ലെ ചെയ്യുവാന്‍ ഒരു ഡെന്‍റിസ്റ്റിനും കഴിയില്ല.ഞാനും അയാളും ചിരിച്ചു. പിരിഞ്ഞു. പിന്നീട് പല പ്രാവശ്യം ഞാനയാളെ കണ്ടിട്ടുണ്ട്. ഒരു പരിചയവും കാണിക്കില്ല.

നല്ല മുട്ടന്‍ തിരക്കില്‍ നാം ജോലിചെയ്തുകൊണ്ടിരിക്കുമ്പോള്‍ എന്തെങ്കിലും ജോക്ക് പറയുക അല്ലെങ്കില്‍ ഒരു കോമിക് കാട്ടുക എന്നത് ഇവ൪ പ്രയാസങ്ങള്‍ ലഘൂകരിക്കുവാനുള്ള ഒരു രീതിയായി കാണുന്നു.യഥാ൪ത്ഥത്തില്‍ ഈ ലോകത്ത് പ്രയാസമനുഭവിക്കുന്നവരെ തിരിച്ചറിയുക പ്രയാസകരമാണ്.

ദാരിദ്ര്യമനുഭവിക്കുന്ന അനേകമാളുകള്‍ എന്‍റെ ഗ്രാമത്തില്‍, എന്‍റെ നാട്ടില്‍ ഉണ്ടാകണം.ഭക്ഷണം കഴിച്ചുകൊണ്ടിരിക്കുമ്പോള്‍ ഞാന്‍‍ പെട്ടെന്ന് അവരെ ഓ൪ത്തുപോകുന്നു.ചിലപ്പോള്‍ കണ്ണുനനയാറുമുണ്ട്. എത്ര ഭക്ഷണമാണ് ഞാന്‍ തിന്നുതീ൪ക്കുന്നത്.ആവശ്യമുള്ളതും ഇല്ലാത്തതും ഞാന്‍ തിന്നുന്നു.എത്ര പൈസ ഞാന്‍ വെയിസ്റ്റാക്കുന്നു.പെട്ടെന്ന് മരിച്ചുപോയാല്‍ ഞാനീ കൂട്ടിവയ്ച്ചതൊന്നും എനിക്ക് ഉപകരിക്കില്ല.

സംഘടിതസഹായ‌പ്രസ്ഥാനങ്ങള്‍ക്ക് പണമയക്കുന്ന രീതി ഞാനിപ്പോള്‍ ഇഷ്ടപ്പെടുന്നില്ല.അവ൪ അവരുടെ വിഭാഗങ്ങളുടെ വള൪ച്ചയ്ക്കായി ആ പണം ഉപയോഗിക്കുന്നു. ദാരിദ്ര്യമനുഭവിക്കുന്നവരെ സഹായിക്കണമെന്ന് എനിക്ക് വളരെ ആഗ്രഹമുണ്ട്.ഒരു അനാഥക്കുട്ടിയെ സഹായിക്കണമെന്ന് ഞാന്‍ ആഗ്രഹിക്കുന്നു. ഒരു കുട്ടിയുടെ ഭക്ഷണം വസ്ത്രം വിദ്യാഭ്യാസം ഇവയുടെ ചിലവ് വഹിക്കണമെന്ന് ഞാന്‍ ആഗ്രഹിക്കുന്നു. ഒരു അനാഥപെണ്‍കുട്ടിയെ സഹായിക്കണമെന്ന്, ഒരു സാധു അമ്മയെ സഹായിക്കണമെന്ന് ഒരാള്‍ക്ക് മരുന്ന് വാങ്ങിക്കൊടുക്കണമെന്ന്, ഒരു കൂരയുണ്ടാക്കുവാന്‍ സഹായിക്കണമെന്ന് ഉടുതുണിക്ക് മറുതുണിയില്ലാത്തവരെ സഹായിക്കണമെന്ന് ഒക്കെ ഞാന്‍ ആഗ്രഹിക്കുന്നു.

എന്താണ് വഴി?
-Azeez KS

Kathakali vs ASL

കഥയറിയാതെ ആട്ടം കാണരുതെന്നു പറയുന്നതുപോലെ കഥകളിയറിയാത്ത ഞാന്‍ കഥകളിയെക്കുറിച്ച് പറയരുത്.
എങ്കിലും ഇങ്ങിനെ പറയാല്ലോ:

ജന്മനാ മൂകന്മാരുംബധിരരുമായിപ്പോയ ഹതഭാഗ്യരെ സഹായിക്കുവാന്‍ വികസിപ്പിച്ചെടുത്ത ഒരു ഭാഷയാണ് American Sign Language ( ASL ). ഇത് പഠിക്കുന്നവ൪ക്ക് കമ്മ്യുണിക്കേഷന്‍ സാദ്ധ്യമാകുന്നു.

നൂറുവട്ടം കേട്ടിട്ടുള്ള ഒരു കഥ, അറിയാവുന്ന ഒരു കഥ, വായിച്ചിട്ടുള്ള ഒരു കഥ, നന്നായി സംസ...ാരിക്കുവാനറിയാവുന്ന രണ്ടുപേ൪ മൂകബധിരരല്ലാത്ത ഒരു സമൂഹത്തോട് ആടയലങ്കാരത്തോടെ, ചമയങ്ങളോടെ, മുഖത്ത് നിറമിട്ട്, കുളികഴിഞ്ഞ്, ശുദ്ധിയോടെ, ഭക്തിയോടെ, വിളക്കുകത്തിച്ച്, ഊണൊക്കെ കഴിഞ്ഞ് മണിക്കൂറുകളോളം ആംഗ്യഭാഷയില്‍ ഒരമ്പലപ്പറമ്പിലിരുന്ന് സാംസ്കാരിക ഔന്നത്യമുള്ള ഒരു സമൂഹത്തോട് പറയുകയും ആ സമൂഹം കുംഭതടകി തലയാട്ടി ശരിവയ്ക്കുകയും ചെയ്യുന്ന ഒരു കളിയാണ് കഥകളി.

കഥകളി സംസ്കാരമാണ്.പട്ടിണിമാറിയ ഒരു സമൂഹത്തിന്‍റെ ആസ്വാദനകലയാണ്.

ASL ഒരു ജീവനോപാധിയാണ്,ഒരു ജീവനകലയാണ്,വയറ്റിപ്പിഴപ്പിനുള്ള ഉപാധിയാണ്, അടഞ്ഞലോകത്തുനിന്ന് വിശാലമായ ലോകത്തേക്ക് കടക്കുവാനുള്ള ഒരു വാതിലാണ്.

ഉരങ്ങള്‍ വിരിച്ച് മുകളിലേക്കു രണ്ടാട്ടാട്ടിയാല്‍ കഥകളിയും ASL ഉം ഒന്നായി. അത് Pomp and Show ആണെന്ന് മൈക് ഡേവിഡും, അല്ല പത്രാസുംപെരുമ്പറയുമാണെന്ന് നളദമയന്തികഥയില്‍ ഏഷ്യാനറ്റ് അടിക്കുറിപ്പും പറയുന്നു.
 

ഇപ്പോള്‍ പുറത്തുപോയി വന്നതേയുള്ളൂ.വന്ന ഉടനെ ചൂടോടെ കുറിക്കുകയാണ്. നല്ല വെയിലുണ്ട്.കാറില്ലാത്തതുകൊണ്ട് കുറെ സമയം വെയ്സ്റ്റായി പോകുന്നുണ്ട്.വെയ്സ്റ്റാക്കാതെ വീട്ടിലോടി വന്നിട്ട് എന്നാത്തിനാ? വാതുവയ്പ്പിന്‍റേയും ഐഎക്കാരുടേയും അളിഞ്ഞ വാ൪ത്ത കേട്ട് തല പെരുക്കാനോ?

കാറില്ലാത്തതിന്‍റെ ചില മെച്ചങ്ങളുമുണ്ട്. എത്രയെത്ര ആളുകളെ കാണാം ബസ്സില്‍, ട്രെയിനില്‍.പലദേശക്കാ൪.പലഭാഷക്കാ൪.കുഞ്ഞുങ്ങളുമായി അവ൪ ബസ്സില്‍ കയറ...ുന്നു. ഇന്നു ഒരു സുന്ദരിക്കുട്ടനെ( കുട്ടന് പുല്ലിംഗമാണ്, സുന്ദരി സ്ത്രീലിംഗമാണ്.സുന്ദരിക്കുട്ടന്‍ ഒരു ഓക്സീമോറോണ്‍ പ്രയോഗമാണ് എന്ന് കമന്‍റ് എഴുതല്ലേ) ബസ്സില്‍ കണ്ടു.ഒരു കുഞ്ഞുടിഷ൪ട്ട് ഇട്ട് അവന്‍ ബസ്സിലെ കാഴ്ച കാണുകയാണ്. എന്‍റെ നരച്ചതാടിയിലേക്ക് അവന്‍ നീലകണ്ണുപായിച്ചു.അമ്മ കാണാതെ ഞാനൊന്നു പുഞ്ചിരിച്ചു. ഒന്നു തുറിച്ചുനോക്കി ഇളകിയിരുന്നു അവന്‍. ഒന്നുകൂടി നോക്കിയപ്പോള്‍ കണ്ണുവെട്ടിച്ചു.പിന്നെ ഒരിടവേളകഴിഞ്ഞ് മെല്ലെ കണ്ണു എന്നിലേക്ക് കൊണ്ടുവന്നു.അത് എനിക്ക് നല്ല ഒരു സന്തോഷമായിരുന്നു. ഒരു മെഡിറ്റേഷന്‍ ഓബ്ജക്റ്റായി അവനെനിക്ക് കുറച്ചുസമയം നല്ല സന്തോഷം തന്നു അവന്‍.

കുട്ടികള്‍ വരുമ്പോള്‍ ആരും പറയാതെ ഇവിടുത്തുകാ൪ എഴുന്നേറ്റുകൊടുക്കുന്നു.കൈക്കുഞ്ഞിനേയുമായി തിരക്കുള്ള ബസ്സില്‍ കയറിയാല്‍ ചില സ്കൂള്‍ പെണ്‍കുട്ടികള്‍ എഴുന്നേറ്റുകൊടുക്കുമെങ്കിലും സ്ത്രീകള്‍ സ്വന്തം സീറ്റില്‍ എം എല്‍ എ മാരെ പോലെ അള്ളിപ്പിടിച്ചിരിക്കുന്ന ഒരു നാട്ടില്‍ നിന്നുവരുന്ന എനിക്ക് വളരെ സന്തോഷക്കാഴ്ചകളാണിതൊക്കെ.വഴിചോദിച്ചാല്‍ പറഞ്ഞുതരുന്ന ഡൈവ൪മാ൪.ബല്ലടിക്കുന്നിടത്ത് നി൪ത്തി, വയസ്സായവ൪ക്കുവേണ്ടി ബസ്സ് താഴ്ത്തി, മംഗളം പറഞ്ഞ് പിരിയുന്ന ഈ കാഴ്ച ഈ നാടിനോട് എന്‍റെ ബഹുമാനം എത്രയോ വ൪ദ്ധിപ്പിക്കുന്നു.

ഈ കുട്ടികള്‍ എത്ര സുന്ദരക്കുട്ടികളാണ്. നമ്മുടെ നാട്ടില്‍ കുട്ടികള്‍ക്ക് കണ്ണേറ് കിട്ടാതിരിക്കുവാന്‍ കുളി കഴിഞ്ഞ് അവരുടെ കവിളില്‍ കരിപുരട്ടിവയ്ക്കും.

എന്‍റെ മകനേയുമായി വ൪ഷങ്ങള്‍ക്കുമുമ്പ് പള്ളിക്കാരുടെ ആശുപത്രിയില്‍ പോയ ഓ൪മ്മ വന്നുവെനിക്ക്.അന്ന് രോഗം വന്നാല്‍ കൃസ്ത്യന്‍ പള്ളിക്കാരുടെ ആശുപത്രികളേ ഉള്ളൂ. നിസ്സാര കാശിന് പാവങ്ങള്‍ മരുന്നും ചികിത്സയും കിട്ടുന്നു.പള്ളിക്കാ൪ക്ക് ആതുരസേവനം ഒരു ആരാധനയാണ്, ലാഭം പിടുങ്ങുന്ന കൊള്ളയല്ല.800 കോടി മുടക്കി 27 ഏക്കറില്‍ ഹോട്ടലുകള്‍ തുടങ്ങി കാശുണ്ടാക്കുന്ന യൂസുഫ് അലിയും രവിപിള്ളയും സാധുക്കള്‍ക്കുവേണ്ടി ഒരു ആശുപത്രി തുടങ്ങിയിരുന്നുവെങ്കില്‍ എത്ര നന്നായിരുന്നുവെന്ന് ഞാനോ൪ക്കാറുണ്ട്.

മകന്‍ ലത്തീഫിന് കുത്തുവയ്പ് എടുക്കുവാന്‍ വേണ്ടിയാണ് ഞാന്‍ കൊണ്ടുപോയത്.കുട്ടിയുടെ അമ്മയ്ക്ക് ലീവില്ലാത്തതുകൊണ്ട് അച്ഛനാണ് അവനെ ആശുപത്രിയില്‍ അന്നു കൊണ്ടുപോയത്.ധാരാളം അമ്മമാ൪ പതിവു ട്രിപ്പ്ള്‍ പോളിയൊ പരിപാടികള്‍ക്ക് കുഞ്ഞുങ്ങളേയുമായി ആശുപത്രിയില്‍ വന്നിരുന്നു.

അന്നു ഞാന്‍ കണ്ട കാഴ്ച ഞാനിന്നോ൪ത്തു.എല്ലാ കുട്ടികളുടേയും നല്ല മുഖത്ത് ആ അമ്മമാ൪ കരിപുരട്ടിയിരിക്കുന്നു. ബ്യൂട്ടിസ്പോട് എന്നു പറയുമെങ്കിലും കുട്ടിക്ക് കരിങ്കണ്ണ് തട്ടാതിരിക്കുവാനാണ് അങ്ങിനെ ചെയ്യുന്നത്. എത്രയോ സുന്ദരിക്കുട്ടികള്‍ ഈ കാനഡയിലുണ്ട്. അവ൪ക്കാ൪ക്കും കണ്ണേറ് തട്ടാത്തതെന്ത്?
പുതിയ വീടു പണിയുമ്പോള്‍ വീടിനു മുമ്പില്‍ കോലില്‍ മണ്‍കലം കമിഴ്ത്താത്തതെന്ത്? മുസലിയാരെക്കൊണ്ട് മന്ത്രിച്ച ചരട് കെട്ടുന്ന ചില മുസ്ലിംകളുണ്ട്.ഉറുക്ക്, ഏലസ് ഇവയൊക്കെ കയ്യില്‍ കാണാം. കാനഡയില്‍ ഇത് ബാധകമല്ലേ?

അപ്പോള്‍ എന്‍റെ ചോദ്യമിതാണ്: കുറെ മാമൂലുകള്‍ ശാസ്ത്രമായി നാം വിഴുങ്ങുകയും അത് ചുമന്നുനടക്കുകയും ചെയ്യുന്ന മനോരോഗികളാണോ നമ്മള്‍?

മാറുന്ന‌ ഭാഷ‌ എന്നെ മുമ്പേ മ‌രിപ്പിക്കുന്നു.

 Azeez KS

ഫേസ്ബുക്ക്ടെക്സ്റ്റും ട്വിറ്റ൪ട്വീറ്റ്സും നമ്മുടെ നാളത്തെ ഭാഷ രൂപപ്പെടുത്തുന്നു.ഇതാണ് നമ്മുടെ ഗ്രാമ൪ നിശ്ചയിക്കുന്നത്.ബുക്ക്സ്റ്റാളുകളിലെ പൊടിപിടിച്ചുകിടക്കുന്ന വ്യാകരണപുസ്തകങ്ങള്‍ ആരും ശ്രദ്ധിക്കാറില്ല.കാനഡയിലേക്ക് വരുന്നതിനുമുമ്പ് എനിക്ക് നന്നായി അറിയാവുന്ന ഒരേയൊരു ഇംഗ്ലീഷ് ഗ്രാമ൪ ഇതായിരുന്നു. he/she സിംഗുല൪ ആണ്. ഏകവചനം.അതുകൊണ്ട് singular ആയ does ഉപയോഗിക്കുന്നു. അതുപോലെ രണ്ട് നെഗറ്റിവ് വന്നാല്‍ അത് ഒരു പോസിറ്റിവ് സ്റ്റേറ്റ്മെന്‍റാകും. ഇവിടെ വന്ന് ആ അറിവും പോച്ച്.ഏത് ശരി ,ഏത് തെറ്റ്? ഞാനാകെ കന്‍ഫ്യൂഷനിലാണ്.
അവള്‍ക്ക് ഒന്നുമറിയില്ല എന്നതിന് ബോ൪ഡ൪ കടക്കുന്നതുവരെ ഞാന്‍ പറഞ്ഞിരുന്നത് she doesn't know anything എന്നാണ്. ദാ സായിപ്പ് ഇപ്പോള്‍ പറയുന്നു: She DON'T know NOTHING.
... സംശയങ്ങള്‍, സംശയങ്ങള്‍: അമ്മദിനം എല്ലാ അമ്മമാ൪ക്കുമുള്ളതാണെങ്കില്‍ Mothers' Day ആണോ Mother's Day ആണോ?
പുതിയ മുദ്രാവാക്യമിതാണ്:വാക്കുകള്‍ വളരെ കുറച്ച് ഉപയോഗിക്കുക. ഒരു പുതിയ മുനിസമൂഹം വളരട്ടെ.
അതുപോലെ ഞാന്‍ പഠിച്ച രണ്ടുവാക്കുകളുണ്ടായിരുന്നു.അത് തെറ്റിപ്പോയതിന് സുഭദ്രടീച്ച൪ അടിച്ച പാട് തുടയില്‍ കാണും. അത് ഞാന്‍ മരണം വരെ മറക്കില്ല. Countables ന് fewer ഉപയോഗിക്കുന്നു.non-countables ന് Less ഉപയോഗിക്കുന്നു. എണ്ണം പറയുന്നിടത്ത് Fewer. Fewer നെ കൊന്ന് Less കത്തിനില്‍ക്കുന്ന കാലമാണിതെന്ന് തോന്നുന്നു.
80 എന്നത് എണ്ണമാണല്ലോ. വറുത്തുപ്പേരിയില്‍ 120 കലോറി ഉണ്ട്.ചെമന്നിറ‌ച്ചിയില്‍ അത് 510 ആണ്.ഞാനിപ്പോള്‍ കഴിക്കുന്നത് കലോറി കുറഞ്ഞ ചീരയാണ്.ഇന്നലെ ഒരു ചോക്ലേറ്റ്ബാ൪ കാണിച്ച് ഒരു പെണ്‍കൊച്ച് പറയുന്നു: This contains LESS calories ! സുഭദ്രടീച്ചറെ!!!

ഭാഷ‌, ജീവിതം പോലെ പ‌രിണ‌മിക്കുകയാണ്.പ‌ഴ‌യ‌ ഇംഗ്ലീഷിലെ Thou, Thy Thee ഒന്നും ഒരിട‌ത്തുമില്ല‌. പ‌ക്ഷെ ഒര൪ത്ഥ‌വുമില്ലാത്ത‌ ചില‌ വാക്കുക‌ള്‍ ധാരാളം കാണുക‌യും ചെയ്യാം.ഫേസ്ബുക്ക് കുട്ടിക‌ളുടെ ഈ ഭാഷ‌ എനിക്ക് മ‌ന‌സ്സിലാക്കുവാന്‍ ക‌ഴിയുന്നുമില്ല‌. Wanna Kinna യെക്കുറിച്ച് മാത്ര‌മ‌ല്ല‌ ഞാനീപ‌റ‌യുന്ന‌ത്.എത്രയോ പുതിയ വാക്കുകള്‍.
PC യെപ്പോലെ ഒരുപാട് PCമാ൪ ന‌മുക്കുവേണം എന്ന‌തിന് ഞാനിങ്ങ‌നെ എഴുതുന്നു: We need a lot of Mr. PC in Kerala.
ഇത് തെറ്റാണെന്ന് പ‌റ‌യുന്ന‌തിനു മുമ്പ് ഒന്നാലോചിക്കൂ.
ഭാഷ‌യിലെ കുറ്റം ക‌ണ്ടുപിടിച്ചുന‌ട‌ക്കുന്ന‌ത് ഒരു രോഗ‌മാണ്. Pedantry എന്ന് പ‌റ‌യാം. ഒരു preposition ത‌ന്നെ ക‌ഷ്ടി മ‌ന‌സ്സിലാക്കുവാന്‍ നാം പ്ര‌യാസ‌പ്പെടുക‌യാണ്. മൂന്ന് prepositons അടിച്ചുകേറ്റിവ‌ന്ന‌ ഒരു വാച‌ക‌ത്തിന്‍റെ അ൪ത്ഥം എനിക്കിപ്പോഴും പിടികിട്ടിയിട്ടില്ല‌:
This is the kind of pedantry UP WITH WHICH I will not put !

ഭീകരവിരുദ്ധയുദ്ധം അമേരിക്ക അവസാനിപ്പിക്കുന്നതെന്ത്?

Azeez KS, Calgary,Canada

ഒരു ഭാവികാലം ആലോചിക്കുക.ഇപ്പോള്‍ മുതല്‍ പത്തു അല്ലെങ്കില്‍ ഇരുപതുകൊല്ലം കഴിഞ്ഞ്,അമേരിക്ക എന്ന രാജ്യം,ഒരു കുറ്റവും കണ്ടെത്തുവാനാകാത്ത കുറെ മനുഷ്യരെ,അമേരിക്കയുടേതല്ലാത്ത മണ്ണില്‍ ക്യൂബയില്‍ നിന്നും പാട്ടത്തിനെടുത്ത ഗ്വാണ്ടനാമൊ എന്ന തടങ്കല്‍ പാളയത്തില്‍ പാ൪പ്പിച്ചിരിക്കുന്നു.എത്ര ലജ്ജാകരമാണത്. അമേരിക്കയുടെ പ്രസിഡണ്ട് ഒബാമയാണ് ഇത് പറയുന്നത്.ലോകമെമ്പാടും ഇസ്ലാമിക തീവ്രവാദം വള൪ത്തിയത് ഈ ഗ്വാണ്ടനാമൊയും നമ്മുടെ ഡ്രോണ്‍ എന്ന യന്ത്രയുദ്ധങ്ങളുമായിരുന്നുവെന്ന് ഒബാമ കുമ്പസാരിക്കുന്നു.

   ഒരു രാഷ്ട്രത്തിനും അതിന്‍റെ സ്വാതന്ത്ര്യം നിലനി൪ത്തുവാന്‍ കഴിയില്ല,നിരന്തരമായ യുദ്ധത്തിലൂടെ.ആ൪ക്കുമറിയാവുന്ന ഈ സത്യം ഒബാമയും ചില റിപ്പബ്ലിക്കന്മാരും ഉറക്കെ വിളിച്ചുപറഞ്ഞിരിക്കുന്നു ."ഞങ്ങള്‍ ഭീകരവിരുദ്ധയുദ്ധം അവസാനിപ്പിക്കുന്നു," നാഷണല്‍ ഡിഫന്‍സ് യൂണിവേഴ്സിറ്റിയില്‍ വ്യാഴാഴ്ച (2013 മെയ് 23) നടത്തിയ രണ്ടാം ഫോറിന്‍പോളിസി പ്രസംഗത്തില്‍ ഒബാമ പറഞ്ഞു.

   ഒബാമയെ ഇതിനു പ്രേരിപ്പിച്ചത് ജോ൪ജ് ബുഷിന്‍റെ പാ൪ട്ടിക്കാരനായ ഒരു റിപ്പബ്ലിക്കനാണ് എന്നത് നമ്മെ അല്‍ഭുതപ്പെടുത്തുന്നു.13 മണിക്കൂ൪ കാമ്പുള്ള പ്രസംഗം ചുരുക്കി റാന്‍ഡ്പോള്‍ പറഞ്ഞു:ഡ്രോണുകളെന്ന യന്ത്രയുദ്ധമാണ് അമേരിക്ക ന‌ടത്തുന്നത്.മനുഷ്യാവകാശങ്ങളെ അമേരിക്ക കാറ്റില്‍ പറത്തുന്നു.വിചാരണയില്ലാതെ അമേരിക്കന്‍ പൌരന്മാരെ തടവറയിലിടുന്നു.ഭീമമായ കടബാദ്ധ്യതയില്‍ ശ്വാസംമുട്ടുന്ന ഈ വലിയ ഗവണ്മെണ്ട് ചെറിയചെറിയ ഗവണ്മെണ്ടുകളാകണം, കടം കുറക്കണം.കുരങ്ങനു കഞ്ചാവുകൊടുത്താല്‍ അത് എങ്ങിനെ ബിഹേവ് ചെയ്യുമെന്നറിയാന്‍ 30 ലക്ഷം ഡോള൪ റിസേച് നടത്തേണ്ടതില്ല,ചിലവാക്കേണ്ടതില്ല.നമ്മുടെ രാജ്യത്തിന്‍റെ പതാക കത്തിക്കുന്ന രാജ്യങ്ങള്‍ക്ക്-ഈജിപ്തിനു കൊടുത്ത 250 മില്യന്‍ സൂചന-‌നമ്മുടെ ഒരു പെന്നി കൊടുക്കരുത്.ഒരു പുഹയടിച്ചതിന് ഒരാളെ ജയിലിലടക്കുന്നത് ശരിയാണോ എന്ന് ഫേസ്ബുക്ക്തലമുറയോട് ചോദിക്കൂ.ഇല്ല, ഇല്ല എന്നവ൪ ഉത്തരം നല്‍കും."

   എല്ലാവരും ചെറിയ ഡിഫന്‍സ് ബഡ്ജറ്റിനുവേണ്ടി നിലകൊള്ളുന്നു.പഴയതുപോലെ 59 രാജ്യങ്ങളില്‍ സിഐഎ അട്ടിമറിയും ചാരപ്രവ൪ത്തനവും ജനാധിപത്യഗവണ്മെണ്ടുകളെ മറിച്ചിട്ട് പാവഗവണ്മെണ്ടുകളെ തിരുകിക്കയറ്റലും പഴയതുപോലെ അമേരിക്കക്കു തുടരാനാവില്ല എന്ന൪ത്ഥം.ആഗ്രഹിച്ചാലും നടക്കില്ല.യുദ്ധം ചെയ്ത് അമേരിക്ക കുത്തുപാളയെടുത്തിരിക്കുന്നു.

    9/11ക‌ഴിഞ്ഞ് ഒരു വ്യാഴ‌വ‌ട്ട‌ക്കാല‌മെടുത്തു അമേരിക്ക‌ക്ക് ഈ വീണ്ടുവിചാരമുണ്ടാകുവാന്‍.എല്ലാത്തിനും ന്യായീക‌ര‌ണ‌ങ്ങ‌ളുണ്ടായിരുന്നു.അഫ്ഗാന്‍ യുദ്ധ‌ത്തിന്, ഇറാഖ് യുദ്ധ‌ത്തിന്,ലിബിയ‌യില്‍ ആകാശ‌യുദ്ധം ന‌ട‌ത്തി ഒരു ഭ‌ര‌ണാധികാരിയെ കൊന്ന് രാജ്യംതക൪ത്തതിന്,പാക്ക് ഡ്രോണ്‍യുദ്ധ‌ത്തിന്,യ‌മനിന്,പാവം സുഡാനികുഞ്ഞുങ്ങ‌ളുടെ മ‌രുന്നുഫാക്റ്റ‌റി ബോംബിട്ട് ബില്‍ക്ലിന്‍റ്ണ്‍ ഭീകരവിരുദ്ധയുദ്ധം ചെയ്തതിന്...

   ഇത് സാര‌മില്ല‌ അമേരിക്ക‌ക്ക്;മ‌രിച്ച‌ത് മ‌റ്റുള്ള‌വ‌രാണ‌ല്ലോ.പ‌ക്ഷേ ഭീക‌ര‌വിരുദ്ധ‌യുദ്ധ‌ത്തിന് ക‌ടംവാങ്ങി ചില‌വിട്ട‌ ആയിരം ആയിരം ദ‌ശ‌ലക്ഷം ഡോള൪ (ഒരു ട്രില്യന്‍),ന‌ഷ്ട‌പ്പെട്ട‌ 7000 അമേരിക്ക‌ന്‍ ജീവ‌ന്‍? ഇതിനും ന്യായീക‌ര‌ണ‌മുണ്ട്,2001 നുശേഷം ഒരു ഭീക‌രാക്ര‌മ‌ണ‌വും അമേരിക്ക‌ന്‍ മ‌ണ്ണിലുണ്ടായിട്ടില്ല‌.

     ലോക‌ത്തിന്‍റെ ഏതുഭാഗ‌ത്തും ഭീക‌രാക്ര‌മ‌ണ‌മുണ്ടായാലും വിമാന‌വാഹിനിക‌ളുമായും ഡ്രോണുക‌ളുമായി അവിടെ അമേരിക്ക‌ എത്തുമായിരുന്നു.ഇപ്പോള്‍ അത് പ‌ങ്കാളിത്വ‌യുദ്ധ‌ത്തിലൂടെ അമേരിക്ക‌ ന‌ട‌ത്തുന്നു.പാക്പ‌ട്ടാള‌വുമായി യോജിച്ചുകൊണ്ട് പാക്കിസ്ഥാനില്‍,അല്‍ക്വ‌യ്ദ‌നിയ‌ന്ത്ര‌ണ‌മേഖ‌ല‌ തിരിച്ചുപിടിക്കുവാന്‍ യ‌മ‌നില്‍,അല്‍ശ‌ബാബിക‌ളെ കൊന്നുകൊണ്ട് സൊമാലിയ‌യില്‍,മാലിയില്‍,മ‌ഗ്രിബില്‍...അമേരിക്ക യുദ്ധംചെയ്യുന്നില്ലിവിടെ;അമേരിക്ക പങ്കാളിത്വയുദ്ധം ചെയ്യുന്നു.വാ൪ പാ൪ട്ണ൪ഷിപ്. അമേരിക്ക നേരിട്ടില്ലാതെ യുദ്ധം തുട൪ന്നുകൊണ്ടിരിക്കുന്നു.ഒടുവിലായി സിറിയ‌യില്‍ അത് വംശീയ‌യുദ്ധ‌മായി ക‌ഴിഞ്ഞു.ശിയ‌ഹിസ്ബുള്ള‌യും സുന്നിഅല്‍ക്വയ്ദയും തമ്മില്‍.ഹിസ്ബുള്ള റഷ്യയില്‍ നിന്ന് ഈ ആഴ്ച ആയുധം വാങ്ങി.സുന്നിഅല്‍ക്വയ്ദയെ  അമേരിക്കന്‍സാറ്റലൈറ്റ് രാജ്യങ്ങളായ സൌദിയും ഖത്തറുമൊക്കെ സഹായിക്കുന്നു.

   ഗ്വാണ്ടനാമൊ അമേരിക്ക ഇപ്പോള്‍ അടയ്ക്കുന്നത് അമേരിക്കക്ക് ധ൪മ്മബോധം പെട്ടെന്നുണ്ടായതുകൊണ്ടോ സാമ്പത്തികാടിത്തറ ഇളകിയതുകൊണ്ടോ അല്ല;ഈ ഗ്വാണ്ടനാമൊ അമേരിക്കയുടെ സുരക്ഷിതത്വം ഇല്ലാതാക്കുന്നു.അപകടം അകത്തുനിന്നും വരുന്നു.ഖാലിദ് ശൈഖ് മുഹമ്മദിനെ ന്യുയോ൪ക്കില്‍ വിചാരണ ചെയ്യുവാനുള്ള തീരുമാനം ജനവികാരത്തെത്തുട൪ന്ന് നി൪ത്തിവച്ചു.ജനങ്ങള്‍ സുരക്ഷ ഭയപ്പെടുന്നു.പകരം, വിചാരണ സൂപ്പ൪മാക്സ് ഗ്വാണ്ടൊയില്‍ മതിയെന്ന് അവ൪ പറയുന്നു.

   അമേരിക്ക‌ന്‍ സിവില്‍ ലിബ൪ട്ടിസ് യൂണിയ‌ന്‍ നേടിയ‌ വിവ‌ര‌മ‌നുസ‌രിച്ച് 779 ആളുകളെ ഈ തടവറയിലിട്ടു പീഢിപ്പിച്ചു.പലഭേദ്യംകഴിഞ്ഞ് ബുഷ് തന്നെ 532 പേരെ പല ഘട്ടങ്ങളിലായി അവരുടെ രാജ്യങ്ങളിലെ തടവറകളിലേക്ക് കൈമാറി.ഒരു രാജ്യത്തിനും വേണ്ടാത്ത കുറെപേ൪ ബാക്കിയായി.ഇവരെ ഏറ്റെടുക്കുവാന്‍ ബ൪മുഡയടക്കം കരാറെടുത്തു.ഇപ്പോഴുള്ള 166 പേരില്‍ 102 പേരും യമനികളാണ്.വിചാരണചെയ്യുവാനോ കൊല്ലുവാനോ ആവശ്യപ്പെട്ട് അവരില്‍ 102 പേ൪ അന്നപാനീയങ്ങളുപേക്ഷിച്ചിരിക്കുകയാണ്.മൂക്കിലൂടെയുള്ള ട്യൂബിലൂടെ ഹൈപ്രൊട്ടിന്‍ ദ്രാവകം ഒരു യന്ത്രംവഴി ഇറക്കിക്കൊടുക്കുന്നു.അത് ഇറക്കിവിട്ടാല്‍ അവരെ ബെല്‍ട്ടിട്ട് മുറുക്കിക്കിടത്തുന്നു,ദഹിക്കുന്നതുവരെ.

 

   സി141 വിമാനം അഫ്ഗാനിസ്ഥാനില്‍ നിന്ന് കുറ്റവാളികളെ നിറച്ച് പറന്നെത്തിയപ്പോള്‍ ഭീകര൪ പിടിക്കപ്പെട്ടുവെന്ന് ലോകം വിശ്വസിച്ചു.ആദ്യഘട്ടത്തില്‍ 20 പേരെ കാലില്‍ ചങ്ങലകളിട്ട് തുറന്നകൂടുകളിലിട്ടിരിക്കുന്ന ദൃശ്യങ്ങള്‍ അമേരിക്ക പുറത്തുവിട്ടു.പിന്നീട് സൌദികളേയും പാക്കിസ്ഥാനികളേയും അഫ്ഗാനികളേയും യമനികളേയും മറ്റുരാജ്യക്കാരേയും വഹിച്ചുകൊണ്ട് വിമാനങ്ങള്‍ പറന്നെത്തി.ഓരോ തടവുകാരനും സുരക്ഷാചിലവ് പ്രതിവ൪ഷം 1066256 ഡോള൪.അതില്‍ കൂട്ടിലിട്ടയാളില്‍ ഒരു അഫ്ഗാനിയുമുണ്ടായിരുന്നു. ആ ഭീകരന്‍റെ വയസ്സ് 98. ഒരു കുട്ടിയുമുണ്ടായിരുന്നു.വ‌യ‌സ്സ് 13.ക‌നേഡിയ‌നായ‌ ഒമ൪ ഖാദറിന് വ‌യ‌സ്സ് 15 ആയിരുന്നു.അഫ്ഗാന്‍ മ‌ണ്ണില്‍വ‌ച്ച് ട്രെയിനിംഗിനിടെ ഒരു അമേരിക്ക‌ന്‍ പ‌ട്ടാള‌ക്കാര‌നെ അയാള്‍ ഷെല്ലെറിഞ്ഞു കൊന്നു എന്ന‌തായിരുന്നു അയാളുടെ കുറ്റം.വാട്ട൪ബോഡിംഗ് എന്ന ക്രൂരമായ,ശ്വാസം മുട്ടിച്ചു വിവരം ചോ൪ത്തുന്ന പീഢനരീതിക്ക് ഈ തടവുകാ൪ വിധേയരായി.ഇപ്രകാരം ടോ൪ച൪ചെയ്തു ശേഖരിക്കുന്ന വിവരത്തിന് നിയമാംഗീകാരമില്ലാത്തതുകൊണ്ട് ആ രീതി തുട൪ന്നില്ല.

   ഇപ്പോള്‍ അമേരിക്കക്ക് ഇത് എങ്ങിനെയെങ്കിലും അവസാനിപ്പിച്ചാല്‍ മതിയെന്നായിരിക്കുകയാണ്.

  ഒരു യുദ്ധ‌വും എക്കാലത്തേക്കുമായി തുറ‌ന്നിടുവാന്‍ ക‌ഴിയില്ല‌.അത് അവ‌സാനിപ്പിക്ക‌ണം.അമേരിക്ക‌ അത് തിരിച്ച‌റിയുന്നു.ഒരു ത‌ട‌വുകാര‌ന് ഒരു ദ‌ശ‌ല‌ക്ഷം ഡോള൪ സെക്യുരിറ്റിക്ക് ചില‌വിട്ടുകൊണ്ട് ഗ്വാണ്ട‌നാമൊ ത‌ട‌ങ്ക‌ല്‍പാള‌യം നില‌നി൪ത്തുന്ന‌താ൪ക്കുവേണ്ടി?എന്തിനുവേണ്ടിയായിരുന്നു ഈ ഗ്വാണ്ട‌നാമൊ? അമേരിക്കക്കാ൪ ചോദിക്കുന്നു.

   പ‌ക്ഷെ ഒബാമ‌യുടെ ഈ ഫോറിന്‍പോളിസിപ്ര‌സംഗം ക‌ന്‍സ൪വേറ്റിവുക‌ളെ ഭ‌യ‌പ്പെടുത്തുന്നു.അമേരിക്ക‌ അതിന്‍റെ സുര‌ക്ഷ‌യെപ്ര‌തി ഭ‌യ‌പ്പെടുന്നു.

   നി൪ത്താനും വ‌യ്യ‌, നി൪ത്താതിരിക്കുവാനും വ‌യ്യ‌.‌

കനേഡിയനായ ഞാന്‍ ബിസിലൈഫ് ഇഷ്ടപ്പെടുന്നു.
ഞാനിപ്പോള്‍ മരണത്തിരക്കിലാണ്.രാത്രിപോലും.
 

മൂട്ടകളേ, നന്ദി.
 

അല്‍പം മുമ്പ് ആറടിപൊക്കമുള്ള ഒരു ഉദ്ദണ്ഡന്‍ മൂട്ടസ്ക്വാഡ്ഹെഡ് വീട്ടില്‍ വന്നിരുന്നു. മുറികയറിയിറങ്ങി, ശേഷം എന്നേയും മെല്‍ബിനേയും ഇരുത്തി ഒരു പോസിബ്ള്‍ ഓപ്പറേഷന്‍ ബെഡ്ബക്സ് അവതരിപ്പിച്ചു. ചില വീഡിയോകളും കാണിച്ചു.

ഒരു ഫാള്‍ട്ട്ഫ്രീസക്സസ്ഫുള്‍ ഓപ്പറേഷന് ചുരുങ്ങിയത് മൂന്നോനാലോ മണിക്കൂ൪ വേണ്ടിവരും.
രൂ...പം ഇങ്ങിനെ: ആദ്യം സ്റ്റീം കയറ്റി മാളത്തില്‍ നിന്നും അവയെ പുറത്തുചാടിക്കുക.പിന്നെ തൊലിസൌഹൃദമരുന്നുപ്രയോഗം.

മൂട്ടകളുടെ ഒരു കുരുക്ഷേത്രമുറപ്പെന്ന് ആ ഭീമന്‍ കിഴക്കന്‍യൂറോപ്യന്‍ അറിയിച്ചു.
രണ്ടാഴ്ച കഴിഞ്ഞ് ഫോളോഅപ് ഉണ്ട്.
മൂന്നുമാസത്തേക്ക് കടിയില്ലാഗ്യാരണ്ടി.

കനേഡിയനായ എനിക്ക് ഉറക്കത്തിന് മറ്റുതടസ്സങ്ങളൊന്നുമില്ലെങ്കില്‍ മൂന്നു മാസത്തേക്ക് ഉറക്കു ഫ്രീ.

മൂട്ടകടിയുടെ ചാ൪ജ്ജ് കേട്ടപ്പോള്‍ ഒരു പട്ടി കടിച്ചപോലെ തോന്നി.
52 കൊണ്ട് ഗുണിച്ചാലും ഇന്ത്യന്‍ രൂപ 46800.

പക്ഷേ അയാള്‍ മാന്യനാണ്. സോറി പറഞ്ഞാണ് ചാ൪ജ്ജ് പറഞ്ഞത്. നല്ലവനുമാണ്, ഒരു മണിക്കൂ൪ എന്‍റെ കൂടെ തങ്ങി അസെസ്മെന്‍റ് നടത്തിയിട്ടും ഫീസൊന്നും വാങ്ങിയതുമില്ല. ഒരു കണ്ണന്‍ദേവന്‍ ചായയിലൊതുക്കി.

ലീവെടുത്തു കുത്തിയാലോ എന്നാലോചിച്ചു.
രണ്ട് ബംഗാളിപ്പിള്ളേരെ കിട്ടിയിരുന്നെങ്കില്‍...

-Azeez KS

എകെ ആന്‍റെണി പറഞ്ഞത് സത്യം: ഈ ഭരണം പൊട്ടിവീഴുമെന്നുകണ്ട് ആരും വെള്ളമിറക്കേണ്ട.


 കേരളം കണ്ട ഏറ്റവും വലിയ കൊള്ളസംഘമാണ് ഈ യുഡിഫ് സ൪ക്കാ൪. ഇന്ത്യ കണ്ട‌തില്‍ വച്ചേറ്റവും വലിയ കൊള്ളസംഘം മന്മോഹന്‍റേതും.കരുണാകരന്‍റെ കാലത്ത് കൊള്ള തുടങ്ങിയിരുന്നുവെങ്കിലും ഇത്ര വ്യാപകമായിരുന്നില്ല.കേരളത്തിലെ കണ്ണായ ഭൂമികളൊക്കെ വ്യവസായികള്‍ക്ക് വില്‍ക്കുകയാണ് ഈ ഉമ്മന്‍സ൪ക്കാ൪. ഒരു എയ്ഡഡ് സ്കൂളിന് ഒന്നരക്കോടിയാണെങ്കില്‍ പതിനാറ് ഹെക്റ്റ൪ കിട്ടിയ രവിപിള്ളയില്‍ നിന്നും കൊച്ചിയിലെ ഭൂമിയില്‍ യൂസഫ് അലിയില്‍ നിന്നും എത്ര കിട്ടിക്കാണും?
 
ഈ വീതം വെപ്പിനുവേണ്ടിയാണ് യുഡിഫ് ഒറ്റക്കെട്ടായി നിലനില്ക്കുന്നത് തന്നെ. പ്രശ്നം യഥാ൪ത്ഥത്തില്‍ വീതം വയ്പ്പിന്‍റേതാണ്. ആ൪ക്കും വിധേയനാകുന്ന ഒരു മുഖ്യമന്ത്രിയാണ് ഉമ്മന്‍ചാണ്ടി. രമേശ് മുഖ്യമന്ത്രിയാകട്ടെ അയാള്‍ക്കും കിട്ടട്ടെ നല്ല ഒരു പങ്ക്.
 

കൊട്ടാരവൈദ്യന്‍ ഏകെ ആന്‍റണി രോഗമറിയാതെ കുറിപ്പെഴുതുകയാണ്.ഒരു പ്രശ്നവും അദ്ദേഹം പരിഹരിക്കാറില്ല.ഇരുട്ടുകൊണ്ട് ഓട്ടയടക്കുന്ന സ്വഭാവമാണ് അദ്ദേഹത്തിന്‍റേത്.ഡിഫന്‍സിലെ വമ്പന്‍ അഴിമതിക്കഥകള്‍ ഇലയ്ക്കും മുള്ളിനും കേടുകൂടാതെ പരിഹരിക്കുമെന്ന് അദ്ദേഹം പറഞ്ഞു.പരിഹരിച്ചോ? കൂട്ടിക്കൊടുപ്പ് നടക്കുന്നുവെന്ന് നേവി ഉദ്യോഗസ്ഥന്‍റെ ഭാര്യ പരാതി നല്‍കിയിട്ടെവിടെയായി. അവ൪ സുപ്രീംകോടതിയെ സമീപിച്ചിരിക്കുകയാണ്.ചൈന ലഡാകില്‍ 19 കിമീ കടന്ന് നമ്മുടെ ഭൂമി കയ്യടക്കി വയ്ക്കുമ്പോഴും 2011 ല്‍ മാത്ര‍ം 75 ബില്യന്‍ ഡോളറിന്‍റെ വ്യാപാരം ചൈന ഇന്ത്യയുമായി നടത്തി. ഇപ്പോള്‍ പ്രീമിയ൪ ലിയെ വിളിച്ച് വിരുന്നൂട്ടി.മാ൪ക്സിസ്റ്റുകാരെ ചൈനീസ് ചാരനെന്ന് വിളിക്കുന്നവ൪ എന്തിനാണ് ഈ വിരുന്നില്‍ പ്രകാശ് കാരാട്ടിനെ ക്ഷണിച്ചത്?


മുന്നൂറിലേറെ പേരുടെ , അതില്‍ ഭൂരിഭാഗം മുസ്ലിംകളുടെ, ഫോണ്‍ചോ൪ത്തിയെന്ന് ബിജു വി നായ൪ മാധ്യമത്തിലെഴുതിയപ്പോള്‍ റിപ്പോ൪ട്ട് പുറത്തുവിട്ടത് ആരായിരുന്നു എന്നതായിരുന്നു സ൪ക്കാറിന്‍റെ പ്രശ്നം.അത് സാധാരണ നടക്കുന്ന ചോ൪ത്താണ് എന്ന് കുഞ്ഞാലിക്കുട്ടി സ൪ട്ടിഫിക്കറ്റും നല്‍കി. ജാമ്യം പോലും നല്‍കാതെ ആ പോലീസ് ഉദ്യോഗസ്ഥനെ പുറത്താക്കി.

സുകുമാരന്‍ നായരുടെ ഫോണ്‍ ചോ൪ത്തിയെന്ന് ഒരു പോലീസ്കാരന്‍റെ ഊമക്കത്തുവന്നപ്പോള്‍ ഐജി തലത്തില്‍ അന്വേഷണം നടത്തിയാണ് സുകുമാരന്‍ നായരുടെ പൌരാവകാശം ഉമ്മന്‍ സ൪ക്കാ൪ സംരക്ഷിക്കുന്നത്.

എകെ ആന്‍റണി പറഞ്ഞതില്‍ ഒരു ശരിയുണ്ട് : ഇതുകൊണ്ടൊന്നും ഈ എയും ഐയും തമ്മില്‍ തല്ലി ഭരണം ഇട്ടെറിഞ്ഞ് പോകുമെന്ന് ആരും വെള്ളമിറക്കേണ്ട. എത്ര ശരി. ഈ ഭരണത്തില്‍ വീതം കിട്ടാത്ത ആരാണ് ഇവിടെയുള്ളത്?

കാനഡയില്‍ സ്ഥിരമായി ഞാന്‍ കേള്‍ക്കുന്ന മൂന്നു വാക്കുകള്‍കൊണ്ട് ഞാനെന്‍റെ ജീവിതത്തെ നി൪വ്വചിക്കുവാന്‍ പഠിച്ചിരിക്കുന്നു.
നുരഞ്ഞുപതയുന്ന CONFIDENCE മായി ( വാക്ക് ഒന്ന് ) ഞാന്‍ വന്നു. തണുപ്പോടൊപ്പം മരവിപ്പ് എന്‍റെ ശിരസ്സിലൂടെ അരിച്ചിറങ്ങി ഞാന്‍ AMBIVALENT ആയി ( വാക്ക് രണ്ട് ). കൊല്ലം കുറെ പിന്നിട്ടപ്പോള്‍ ഞാന്‍ ഒരു പൂ൪ണ്ണ OXYMORON ആയിരിക്കുന്നു ( വാക്ക് മൂന്ന് ).
നന്ദി ജീവിതമേ നന്ദി.
-Azeez

The Butterfly Effect

അമേരിക്കയിലെ ഒരു ചെറുചിറകടിപോലും എന്‍റെ കഞ്ഞിക്കലത്തില്‍ പ്രതിബിംബിക്കുന്നു.എണ്ണയന്ത്രങ്ങള്‍ ഉണ്ടാക്കുകയാണ് എന്‍റെ ജോലി. ശുദ്ധ എണ്ണയല്ല, ക്ലേശയെണ്ണ.ഇവിടുത്തെ ഞങ്ങളുടെ ജീവിതം ദു൪ഗ്രഹജീവപരിണാമമുള്ള മണലെണ്ണയെ ആശ്രയിച്ചിരിക്കുന്നു.ഒരേയൊരു വാങ്ങലുകാരനോ അമേരിക്കയും, ആനയെ പിറകോട്ടു നടത്തുന്നവന്‍. അമേരിക്കയില്‍ ബട്ട൪ഫ്ലൈ ചിറകടിച്ചുവോ, അറിയില്ല, 40 പേരുടെ ജീവിതം ഇന്നലെ തെറിച്ചുപോയി.
-Azeez

Is he not right?

Our fathers sacrificed for this country. They challenged their life on a yacht for months to cross the Atlantic to land this freezing land mass. They had no heating system as you have now, nobody welcomed them. The Aboriginals killed many of our fathers. They fought back. Thousands yielded to pneumonia, plague, tuberculosis, depression, anxiety and agony of separation. They didn’t turn back  as they were courageous, great adventurers.

They built everything here over the centuries.

They built power stations. Airports; built factories, houses and civilizations.

They hoped that their children will have a safe country, a prosperous country respecting their  values and ideals.

When everything was set in motion, you people started coming in. We were so broad and we gave you a warm welcome. You lived in our houses. You brought in your families, thousands of them, and your relatives, cousins ,and we provided them employment in our factories. You proliferated, five and six kids in each family. Slowly you encroached into our settlements, displaced us from our jobs, and we were forced to move far away. Whatever we save here, we spend . That was not much, though. Our system treated you at par, gave the same rights, awarded you the same wage structure, same dignity, same justice system, same everything.
That’s OK, no complaints.
But you do not spend whatever you save here,  you don’t spend money on Canadian clothes, on Canadian foods, or on anything Canadian. Whatever you save here, you do not spend, you save and send them back . Do you think this country as dear as yours? Why are you not assimilating as we did? Why are you making a cultural island within this big nation. Sure, this is multicultural, that is because of our greatness. It is a respect offered by us.

Go to any govt., you can see hundreds of people lining up for filling up welfare papers. Can you blame us when we doubt that you take advantage of all governmental schemes? You are eligible here for free education, free health, unemployment benefits, child benefits, old age benefits, family benefits and what not. All the budget money is spent for making you assimilate, making you Canadians. Do you live up to their expectations?

Now government say they have no funds for schools, they cut their school funding, they lay off teachers and schools are going on sale to Multinational Corporations.

Hundreds of thousands of refugees come to this land, we welcome them, we don’t send them back, though we have a question: Why don’t they go to their neighbouring countries? Because we know they send them away, but we are not. They are illiterate and we make use of our Tax schools,  our Tax hospitals and all Tax facilities to transform them. Govt. gives them legal helps to fight for refugee status, free lawyers to establish their status, monthly money until they establish, permit to work anywhere…Where on this earth such a facility is possible!

But unfortunately some of them pause a threat to our security.

We had many good chains of western restaurants. They are on the verge of closure. Taco, Edo, Nando A&W are not running a good show.

Hey man, now you ask me : " Where do we have an Indian restaurant?"

Fuck you.

 

മരണമെത്തുന്നനേരത്ത്നീയെന്‍റെയരികിലിത്തിരിനേരമിരിക്കണേ...

ദീനക്കിടക്കയില്‍ കിടക്കുന്ന ജയരാജന്‍ മാസ്റ്ററെ ഒരു ഫാത്തിമ ഉമ്മ
പരിചരിക്കുന്ന ചിത്രം ഫേസ്ബുക്കില്‍ കണ്ടു. ഒരു മലപ്പുറമതേതരസ്നേഹം പ്രൊമോട്ട് ചെയ്യലാണ് ആ പോസ്റ്റിന്‍റെ ലക്ഷ്യമെങ്കിലും ആ പോസ്റ്റ് എന്നെ മറ്റൊരുതരത്തില്‍ ചിന്തിപ്പിച്ചു.

ഫാത്തിമത്താത്ത എല്ലാവ൪ക്കും എവിടേയും കിട്ടുമോ, ഇല്ല. അങ്ങിനെയെങ്കില്‍, താങ്ങുംതണലുമില്ലാത്തവരെ അവസാനനാളുകളി...ല്‍ ആരു നോക്കും?എങ്ങിനെ ഒന്ന് സമാധാനമായി മരിക്കും?മലപ്പുറവും ഫാത്തിമയും അത്യപൂ൪വ്വകാഴ്ചകളാകുമ്പോള്‍ മരണക്കിടക്കയില്‍ നമ്മെ ആരു ശുശ്രൂഷിക്കും? ഒന്നോ രണ്ടോ മക്കളുണ്ടെങ്കില്‍ അവ൪ ജീവിക്കുവാനുള്ള തന്ത്രപ്പാടില്‍ ഏതെങ്കിലും നാട്ടില്‍ കഴിയേണ്ടിവരുമ്പോള്‍ നമ്മെ ആര് സഹായിക്കും?

മരണാസന്നനായിക്കിടക്കുന്ന വ്യക്തി അല്ലെങ്കില്‍ ഒരു ടെ൪മിനല്‍ ഡിസീസ് പിടിപെട്ടു മരണം കാത്തുകിടക്കുന്ന വ്യക്തിക്ക് ഒരു സഹായം എവിടെ നിന്ന് കിട്ടും?

ആ അവസാനഘട്ടത്തില്‍ ആ മരണാസന്നന്‍ നമ്മില്‍ നിന്നും കരുണ പ്രതീക്ഷിക്കുന്നു.അനുകമ്പ, അനുതാപം അയാള്‍ അര്‍ഹിക്കുന്നു. ശാരീരികാവശതകള്‍ക്ക് താങ്ങു പ്രതീക്ഷിക്കുന്നു. മരണത്തിനു മുമ്പ് വന്നു ഭയപ്പെടുത്തുന്ന കടുത്ത ഏകാന്തതയില്‍ നിന്ന്, ശൈത്വാനിയത്തില്‍ നിന്ന് ഒരു സാന്ത്വനം പ്രതീക്ഷിക്കുന്നു.പശ്ചാത്തപിക്കുവാനുള്ള അവസരം തേടുന്നു. മരുന്ന് തേടുന്നു.

ഇത് ഒരു മരണാസന്നനായ വ്യക്തിയുടെ അവകാശമാണെന്ന് വേണമെങ്കില്‍ പറയാം. പക്ഷേ ഈ അവസ്ഥയില്‍ അയാള്‍ തിരസ്കരിക്കപ്പെടുമ്പോള്‍...തിരിഞ്ഞുനോക്കുവാന്‍ ആളില്ലാതെ വരുമ്പോള്‍, മരുന്നുവാങ്ങാന്‍ പൈസയില്ലാതെ വിഷമിക്കുമ്പോള്‍, വല്ലപ്പോഴും വിരുന്നുകാരായി വരുന്ന ബന്ധുക്കള്‍ സഹതാപം മാത്രം ചൊരിഞ്ഞ് കടന്നുപോകുമ്പോള്‍, പണ്ടാരത്തള്ളേടെ/ പണ്ടാരത്തന്തേടെ കിടപ്പുകാരണം ഒരോടൊത്തോട്ടും ഒന്ന് തിരിയുവാന്‍ പറ്റുന്നില്ല എന്ന് അടുത്തവ൪ മരണാസന്നനായ വ്യക്തി കേള്‍ക്കെ ശകാരം ഉരുവിടുമ്പോള്‍... നാം കൊട്ടിഘോഷിക്കുന്ന " ...നാട്ടിന്‍പുറം നന്മകളാള്‍ സമൃദ്ധം" എന്ന പല്ലവിക്ക് വല്ല അ൪ത്ഥവുമുണ്ടോ?

ഞാന്‍ ജീവിക്കുന്ന കാനഡയില്‍ 75 ശതമാനം മരണങ്ങളും ഹോസ്പിസുകളിലാണ് സംഭവിക്കുന്നത്. 33 ദശലക്ഷം ജനങ്ങളില്‍ ശരാശരി 260000 പേ൪/year ഇവിടെ മരിക്കുന്നുവെന്ന് കണക്കുകാനഡ പറയുന്നുണ്ട്.

എന്താവും ഈ 75 ശതമാനം പേരും മരിക്കുവാന്‍ ഹോസ്പിസുകള്‍ തേടുന്നത്? നോക്കാനാളില്ല എന്ന കാരണം തന്നെ.മരിക്കുമെന്ന് അറിയാമെങ്കില്‍ പോലും മരണത്തിന്‍റെ നിഴലില‌ല്ലാതെ, മരണത്തിന്‍റെ ഭയമില്ലാതെ, പാല്യെറ്റിവ് കെയ൪ സ്വീകരിച്ച്, ഡോക്റ്റേസ്, നേഴ്സ്, സോഷ്യല്‍ വ൪ക്കേസ്, ഫിസിയൊ തെറാപ്പിസ്റ്റ് അന്ത്യകൂദാശഅച്ചന്‍ ഇവരുടെയൊക്കെ സഹായത്തോടെ കൃത്യമായ ടൈംടേബിളനുസരിച്ച് തന്‍റെ മരണം "സന്തോഷകരമായി" പ്ലാന്‍ ചെയ്യുവാന്‍ ആ വ്യക്തിക്ക് കഴിവുണ്ടാകുന്നു എന്ന് ഹോസ്പിസുകള്‍ ബഹുവ൪ണ്ണചിത്രത്തോടെ പരസ്യം കൊടുക്കുന്നു. എന്‍റെ ബാങ്ക് അക്കൌണ്ട് സിഐബിസിക്ക് എന്നു പറയുന്നതുപോലെ എന്‍റെ മരണം കാ൪മല്‍ ഹോസ്പിസിനെ ഏല്‍പ്പിക്കുന്നു എന്ന് നാം പറഞ്ഞുപോകുന്നു.

ഒരുകാലത്ത് കുറച്ച് പട്ടിണിയായിരുന്നു പ്രശ്നം. സമാധാനവും കൈത്താങ്ങുമുണ്ടായിരുന്നു.മക്കളടുത്തുണ്ടായിരുന്നു. പട്ടിണിമാറിയപ്പോള്‍ ജീവിതം ഒരു മഹാപ്രഹേളികയായി നമ്മെ തുറിച്ചുനോക്കുന്നു. മതം പോലും യാന്ത്രികം.

ഭയങ്കരം തന്നെ നമ്മുടെ ജീവിതം.
-Azeez KS from Calgary

Fight Purdha

Purdha is not a respect for Muslim women. It is an oppression against her. It is enslavement. It's life denial. She has been caged, 'jailed',
meshed, enslaved and 

denied existence and opportunities

for the pleasure of rich Muslim men who exhibit her dark for the advertisement of "True Islam." It is a Saudi Wahahi Arab dress. It is not an Islamic dress code all over the Muslim world. No woman wears a Pardha because she loves to. It is lie spread by Muslim fundamentalist women organisations. It is male enforcement accepted without resistance by helpless women. No woman loves to be a living corpse.

Fight Purdha.Fight Burqa.

വിവാഹ ശേഷം 25 കൊല്ലം തന്‍റെ പ്രിയപ്പെട്ട പൂച്ചയെ ഓ൪ത്ത് വിലപിച്ച എന്‍റെ ഭാര്യയ്ക്കും അവരുടെ വെറ്റ്നറി ഡോക്റ്ററായ മകനും സമ൪പ്പണം

നിങ്ങള്‍‍ വീട്ടില്‍ വള൪ത്തുന്ന പൂച്ച , പട്ടി ഇവയൊക്കെ നിങ്ങളുടെ വീട്ടിലെ അംഗ‍ങ്ങള്‍ തന്നെയാണ്. അവ മരണപ്പെട്ടുപോയാല്‍ നിങ്ങള്‍ ദു:ഖിക്കുന്നു, ഏതൊരു കുടുംബാംഗവും നഷ്ടപ്പെട്ടാലെന്നതുപോലെ.

അവയ്ക്ക് മാന്യമായ ഒരു ശവമടക്ക് നല്‍കുവാന്‍ നിങ്ങള്‍ ആഗ്രഹിക്കുന്നുവെങ്കില്‍ കാല്‍ഗറിയില്‍ പെറ്റ് ഹെവന്‍ അതിന് നിങ്ങളെ സഹായിക്കുന്നു:
"'Pet Heaven Crematorium & Funeral Chapel Ltd offers families the most valued options possible to aid in the grief process, after the death of a pet.
'We strive to provide every family we assist with superior service from the initial contact and until the family has had all their wishes fulfilled.
At Pet Heaven Crematorium & Funeral Chapel Ltd., Paterson and Nancy Haddock , operations manager, are available to assit in answering any of your questions.
Hours of operation: 24 hours X 7 days a week.
If your pet passes away at a vet clinic or hospital, ask the question: what crematorium do they use?
Please call before stopping by Pet heaven Crematorium at 403 266 **** or visit petheavencalgary.com

Dear Kozhikkoottukkar,

I know Kozhikkoottukar are very loving and compassionate. You try to help others in your humble way and are very empathetic. I had worked in a bank in India for some years and I noticed a lady who is very loving and compassionate, unlike us. She was from Calicut. That was in 1985; I know you Kozhikkoottukar since then. My best dream in life was to marry from Calicut. But that didn't happen. I tried, but Kozhikkottukar didn't believe us Ernakulathukar. But if that lady is brought here where I am living now , I am sure, she will have to behave differently here, her attitude towards others totally changed.
...
What happens in  a mechanised society? We believe that our philosophy is the best. Sure, we help, we give, we care, we do everything. We do charity. But our philosophy toward suffering of others is not like yours.

When you are successful in your life, it is your success. You made it. Congratulations!.

When you failed, its is your failure. you are responsible. We say, you failed to make use of the opportunities. You could have become Bill Gates, you could have become Obama, a Wal Mart, an owner of a Chain...Sky was your limit. But you failed, because you failed to use of the wise use of the opportunities. You failed to change your attitude!.

You are poor, because you chose to be. Poverty is your fault.
So we don’t care the sufferers. We believe that we are acutally letting down them by caring them.

I was travelling in a bus, and I found a man fell down inside the bus when the driver applied the brake. What we do normally? We try to help him get up, don’t we? Nobody got up to help him. The driver sitting there asked him whether he is ok, if he needs medical help. Alll official. I reached him to help him get up. But I am not allowed to touch his body without his permission.

We too love, but we have a different kind of love. Is it not?

-Azeez KS
 

ഒരണക്ക് ഗതിയില്ലാതെ നടന്നവന്‍ തരികിട കളിച്ച് കുറെ സ്വത്തുണ്ടാക്കും. മകള്‍ക്ക് പുതിയാപ്ലയായി IPS കാരെ തപ്പിനടക്കും . കിട്ടുകയും ചെയ്യും. അത്തരം ഒരു കല്യാണത്തിന് ഞാന്‍ നാട്ടില്‍ ഈയിടെ കൂടി. ഞാനും അയാളും തമ്മിലുള്ള പൂ൪വ്വകാലബന്ധങ്ങളൊക്കെ മറന്ന് തികച്ചും അന്യനെപ്പോലെ അയാള്‍ പെരുമാറി.വമ്പന്മാരെ സ്വീകരിക്കുന്ന തിരക്കോടുതിരക്ക്. കമാന്നൊരക്ഷരം അയാള്‍ മിണ്ടിയില്ല. ഇയാള്‍ കറിവേപ്പിലയാക്കിയ മറ്റൊരാള്‍ ആ കല്യാണപ്പന്തലിന്‍റെ മൂലയ്ക്കലിരിക്കുന്നതു ഞാന്‍ കണ്ടു. പഴയ പരിചയം കൊണ്ട് ഞാനാമനുഷ്യനുമായി സംസാരിച്ചിരുന്നു. ഇതുകണ്ട, ഇത്രയും നേരം മൈന്‍ഡ് ചെയ്യാതിരുന്ന ആ മഹാന്‍, എന്നെ അയാളില്‍ നിന്നും അകത്താനായി എന്നെ ബിരിയാണി പന്തലിലേക്കു ക്ഷണിച്ചു.
ഹിംസാത്മകമായ പൂ൪വ്വകാലചരിത്രമുള്ളവ൪, അന്യായമായി സ്വത്തുസമ്പാദിച്ചവ൪ , അവ൪ ജനമദ്ധ്യത്തില്‍ വിലയുള്ളവനാണെങ്കിലും, കമ്പനിയുടമ‌യുമൊക്കെയാണെങ്കിലും, പള്ളിയുടെ മുന്‍നിരയില്‍ വന്ന് വെള്ളിയാഴ്ച കൂടുന്നവനാണെങ്കിലും, മതങ്ങള്‍ പറയുന്നതില്‍ എന്തെങ്കിലും ശരിയുണ്ടെങ്കില്‍ അയാള്‍ക്ക് ഒരിക്കലും മനസ്സമാധാനം എന്നൊന്ന് കിട്ടില്ല. അയാളുടെ ചതികള്‍ അയാളുടെ മനസ്സാക്ഷിയെ വേട്ടയാടിക്കൊണ്ടിരിക്കും. ഇപ്പോള്‍ അല്ലെങ്കില്‍ പിന്നെ അയാള്‍ അതിന്‍റെ ക൪മ്മഫലമനുഭവിക്കും. ഒരു ഹജ്ജ് ചെയ്താല്‍ തീരുന്ന കേസല്ല ഇത്. ഇനി ഞാനിതെഴുതിയത് തെറ്റാണെങ്കില്‍ നമ്മള്‍ വിശ്വസിക്കുന്ന മതത്തിനും മതവിശ്വാസങ്ങള്‍ക്കും ഒര൪ത്ഥവുമില്ല. ദൈവം സ്നേഹമല്ല, നീതിമാനല്ല, ദൈവം ക്രൂരനാകും.